Гранит или инокс: кој материјал да го изберете за вашиот мијалник?

Изборот на мијалник може да изгледа едноставен, но материјалот од кој е направен го одредува изгледот, одржувањето и издржливоста за наредните години. Ги споредуваме двата најпопуларни избори.

Гранитни мијалници: природна убавина и цврстина

Гранитните мијалници се изработуваат од мешавина на природен гранит и акрилна смола, со содржина на гранит и до 80%. Резултатот е тежок, масивен мијалник со богата текстура и матиран изглед кој одлично се вклопува во кујнски садопери со современ стил.

Главна предност е тоа што гранитот е генерално помодерен материјал со подобри карактеристики. Во однос на издржливоста, гранитот е многу високо отпорен на гребење, удари и топлина, дури до 200 степени, што го прави еден од најтврдите материјали достапни за мијалници. 

Гранитните садопери се достапни во голем број бои: бела, црна, сива, беж, антрацит и останати нијанси, при што темните бои, особено црната, се најпопуларни и највеќе продавани. Во однос на одржувањето, гранитот не бара силни хемиски средства. 

Темните бои бараат почесто одржување бидејќи бигорот остава потешко видливи флеки, но тие лесно се отстрануваат со природни течности како оцет или маслиново масло. Ако барате мијалник кој станува фокусна точка на кујната, гранитните садопери се вистинскиот избор.

Инокс мијалници: класика со причина

Нерѓосувачкиот челик или инокс е стандард во кујните со децении. Иноксните садопери се лесни за одржување и се чистат само со вода и детергент, а поради мазната површина флеките и бигорот од вода помалку се забележуваат.

Отпорен на корозија и хигиенски, бактериите потешко се задржуваат на мазната метална површина. Садоперите од нерѓосувачки челик имаат и висока термичка отпорност при директен контакт со топол прибор или врела вода.

Потенцијални недостатоци се тоа што мазната површина може да се изгребе и вдлабне со текот на времето, а при премногу жестоко термичко оптоварување може да дојде и до деформација. 

Исто така, мазната површина може да покаже трагови од вода и бигор, иако со редовно бришење по употреба тоа лесно се решава и мијалникот останува блескав со години.

Споредба во детали

Гранит:

• Тивок – пригушува звук
• Богат изглед, многу бои
• Отпорен на гребење, удари и топлина до 200°C
• Задржува топлина
• Матиран финиш кој не покажува трагови
• Темните бои (особено црната) се матирани, изгледаат луксузно и се највеќе продавани, бараат почесто одржување поради биgor, но се чистат лесно со природни течности (оцет, маслиново масло), како и домаќински средства како Arf, Cif и останати

Инокс:

• Лесен за чистење
• Може да се изгребе, вдлабне или деформира при жестоко термичко оптоварување
• Хигиенски и безбеден
• Поповолна цена
• Универзален

Кој да го изберете?

Ако ви е приоритет естетиката, тишината, богатиот изглед и модерна кујна, гранитот е вистинскиот избор. Ако барате практичност, лесно одржување и попристапна цена, инокс е проверена класика која никогаш не излегува од мода.

За целосно поставување на кујната, не заборавајте и на додатоци за садопери како сифони, цедалки и диспензери кои го надополнуваат целиот систем и го прават функционален.

НАШ СОВЕТ

Доколку буџетот ви дозволува, инвестирајте во гранитен мијалник, долготрајноста и изгледот ги оправдуваат парите. За мали кујни или практичен избор, квалитетниотсадопер од нерѓосувачки челик никогаш нема да ве разочара.