Кога се размислува за мебел по мерка од плочест материјал, едно од првите прашања што се поставува е: иверка или медијапан? Двете плочи се најкористени материјали во современата изработка на мебел, но разликите во составот, изгледот и издржливоста играат клучна улога во конечната одлука.
Во овој блог ќе разгледаме што претставува иверка (иверица), што е медијапан (МДФ плочи), кои се клучните разлики меѓу иверка и медијапан, за која намена е најдобар секој материјал, кои се нивните предности и недостатоци, како и совети од експерти за ентериер и мебел.
Што е иверка (иверица)?
Иверката (позната и како иверица) е дрвена плоча создадена од отпадно дрво и пилевина споени со лепак и пресувани под висок притисок. Најчесто е обложена со декоративна меламинска фолија или ламинат за финален изглед. Во нашата колекција на плочи од оплеменета иверка имаме модели кои одговараат на сите вкусови, буџети и потреби.
Карактеристики на иверка:
- Поевтин материјал во однос на медијапан
- Достапна во повеќе дебелини (8 мм до 38 мм)
- Помала тежина
- Лесна за обработка и монтажа
- Потребна е правилна кантираност со PUR лепак за да се заштити од влага
- При контакт со вода може да набабри
Ново – есен 2025
Нова колекција на иверки
Каде најчесто се користи иверка:
- Основи на кревети
- Корпуси на кујнски елементи
- Внатрешни полици и скриени делови, , база на системи за фиоки
- Подлогa во гарнитури
Што е медијапан (МДФ)?
Медијапанот (МДФ) е плоча која се изработува со пресување на дрвен прав со врзувачки материјали под висок притисок и температура. Тој е погуста и поиздржлива плоча со мазна површина погодна за доработка. Доколку сакате инспирација за каков медијапан да одберете, нашата колекција на медијапански МДФ плочи содржи стотици модели со различни нијанси и текстури.
Карактеристики на медијапан:
- Потежок и поцврст од иверка
- Мазна и хомогена површина – може да се бои и лакира
- Суровински медијапан или медијапан обложен со фурнир погоден за CNC обработка и резбање дезени и вдлабнати рачки, но може и да се комбинираат различни рачки за мебел
- Фурниран медијапан овозможува премиум изглед со природен дрвен фурнир
- Поотпорен на влага кога е правилно обработен
Нова колекција есен 2025
Медијапан МДФ плочи
Каде најчесто се користи медијапан:
- Видливи фронтови на мебел (кујнски вратички, панели на фиоки, врати на плакар)
- Дизајнерски елементи што бараат бојадисување или лакирање
- Мебел со рустичен или ретро дизајн
- Мебел со комплексни облици
- Sидни профили (панели) кои се популарно дизајнерско решение во ентериерот
Разлики меѓу иверка и медијапан
| карактеристика | Иверка (иверица) | Медијапан (МДФ) |
|---|---|---|
| Цврстина | Помалку издржлива | Погуст и поцврст |
| Цена | Поефтина | Поскап избор |
| Отпорност на влага | Пониска (мора да се кантира) | Повисока (особено кај бојадисани плочи) |
| Финиш/Изглед | Меламинска фолија/ламинат/природен фурнир | Може да се бојадиса, лакира или фурнира |
| Употреба | Претежно внатрешни делови, некогаш и фронтови | Видливи фронтови |
| Дизајн можности | Ограничени | Високи (резбање, бојадисување) |
Иверка или медијапан – каков материјал да изберете?
- Ако барате економична опција за внатрешни делови → изберете иверка.
- Ако сакате луксузен изглед, издржливост и дизајнерска флексибилност → изберете медијапан.
- За кујнски елементи најчесто комбинацијата е: иверка за корпуси + медијапан за фронтови.
- За детски соби и ормари по мерка – медијапан е подобар избор поради отпорноста и лесното чистење.
За кујнски елементи иверката е сеуште доста популарна опција, каде бела или друга еднобојна иверка се користи за корпус (внатрешноста на елементот), во комбинација со иверка со дрвени декори за лице (предната страна на елементот). Кај медијапанот во кујна, најпопуларен избор се уни декорите кои се познати по својата површинска мат фолија и даваат софистициран изглед на секој елемент.
Најдобри практики и совети од нашите експерти
- Фурниран медијапан е најдоброто решение за комбинација на природен изглед и издржливост.
- При избор на најдобри иверки, барајте оние со висока густина и задолжително со PUR кантирање.
- За простории со висока влажност (кујна, купатило) медијапан е побезбедна опција.
- Секогаш консултирајте се со мајсторот за сертификати за квалитет и гаранција на материјалите.
Заклучок
Иверката и медијапанот се две од најкористените плочи во мебелската индустрија. Иверица vs. медијапан не е прашање за подобар или полош материјал, туку за правилна намена. Со вистинска комбинација, ќе добиете мебел кој е и економичен и естетски врвен.
Кога инвестирате во мебел по мерка, знаењето за разликите меѓу иверка и медијапан ви овозможува да направите избор кој ќе го задоволи и вашиот буџет и вашиот стил.